شرح طريقة اختبار شبكة الرشاشات بعد تركيبها وكم المدة التى نترك فيها الشبكة مضغوطة تحت الضغط وهل الافضل تركيب الرشاشات بالشبكة واجراء الاختبار ام تركيب طبة مكان الرشاش وبعد الانتهاء من الاختبار يتم تركيب الرشاشات عند انهاء وتقفيل الشبكة ككل وكم الضغط الذى يتحملة الرشاش والذى اذا زاد ضغط الشبكة عنة نركب محبس تخفيض ضغط قبل ال z.c.v
بالنسبه لاختبار الشبكه يكون بضغط الشبكه الى 150% من قيمه الضغط اللي المفروض الشبكه حتثبت عليه و في الغالب بيكون 7 بار
يعني بيكون قيمه الضغط حوالي10.5 بار ولمده 120 دقيقة
والغرض من الاختبار بيان التسريبات اللي بتكون موجوده في اماكن اللحام او التسنين
والافضل تركيب طبات
لان اغلب الوقت مرحله تركيب الرشاشات بتيجي بعد تركيب السقف المستعار
يعني و بتوع الديكور بيعلقو الفريمات المعدنيه اللي بيشدو عليها السقف بتاعهم بتبتدي تاخد نزلات على الشغل بتاعهم عشان يكون شكل الديكور حلو
ده طبعا لو مفيش تنسيق من بدايه المشروع ومش موجود مخطط للسقف المستعار بناء عليه بتوزع رشاشات النظام وده في الغالب اللي بيحصل
عشان كده مينفعش اركب الرشاشات و اختبر و بعدين ارجع افكهها تاني لان ممكن تتكسر او سنها ينعم من الفك و الربط لذلك يفضل تريبها في الاخر
واذا لم يتم تركيب محابس تخفيض للضغط في الشبكه
يعني بالمثال
لو عندي عماره 30 دور كل دور ارتفاعه 3 متر حيكون طول المبنى عندي 90 متر
يعني حيكون عندي المضخه تقريبا 16 بار
لو مش حيتركب محابس تخفيض ضغط وده بيحصل
حيكون عندي في الدور الارضي ضغط الشبكه 16 بار و لما حاجي اضغط على 24 بار لمده ساعتين
اما اذا حبيت اركب محابس تخفيض ضغط فطبيعي حيكون تركيبها قبل محابس التحكم بتاعت الدور واقل ضغط للرشاش بيكون موجود في كتالوج الرشاش اللي بيحدد بناء على نوع الرشاش اكبر ضغط بيتحمله
