إيه هي مراحل الحريق اللي بتمر على أي موقع ؟ ( سؤال إنترفيو )

إيه هي مراحل الحريق اللي بتمر على أي موقع ؟ ( سؤال إنترفيو )

📌 المرحلة الإبتدائية : المرحلة دي بتخلو من الدخان أو اللهب أو حتى الإحساس بالحرارة.
أمال بيحصل إيه فيها ؟
بتتولد كميات كبيرة من جسيمات الاحتراق، الجسيمات دي ليها حجم ووزن ولكن مش بتتشاف بالعين المُجردة ودا بسبب حجمها الصغير جدًا، يعني نقدر نقول إن الجسيمات دي هي النواة الرئيسية لأي حريق.
الجسيمات الذرية دى بتتكشف عن طريق أجهزة إسمها
( كواشف التأيين - Ionizing detectors ) ، طب لو مكتشفنهاش ايه هيحصل ؟
هتحصل المرحلة التانية 👇.

📌 المرحلة الدخانية : في المرحلة دي جسيمات الاحتراق بتزيد جدًا وبتعمل الدخان إللي هنشوفه بعنينا المُجردة عادى جدًا، وبرضو في المرحلة دي مفيش أي لهب أو إحساس بالحرارة.
طب نقدر نكتشف المرحلة دي إزاى ؟
المرحلة دي بنكتشفها عن طريق أجهزة إسمها
( كواشف كهروضوئية - Photoelectric Detectors )
ولو مكشفناش المرحلة الدخانية هتحصل المرحلة التالتة👇.

📌 مرحلة اللهب : في المرحلة دي الحريق بيتطور وبيوصل لنقطة الإشتعال وبيظهر اللهب وبنبتدي نحس بالحرارة.
نقدر نكشف المرحلة دي عن طريق أجهزة الكواشف تحت الحمراء.

المرحلة دي بيتجمع فيها خليط حلو كده عبارة عن لهب + دخان + حرارة + غازات سامة.
المرحلة دي بتتطور بسرعة جدًا وبكده نقول على الموقع السلانكتيه 😭😂
نقدر نكشف المرحلة عن طريق كواشف الحرارة قال يعني مش هنحس بيها وهنستنى الكواشف 😂😂

خلي بالك من أسماء أجهزة الكواشف في كل مرحلة لإن ممكن تتسأل السؤال دا 👈 إيه هي الكواشف اللي بتكشف المرحلة الأولى، التانية، أو التالته