بوست للتوعيه النفسيه لرجل السلامه
بوست للتوعيه النفسيه لرجل السلامه
1-السيفتي ثقافه وابداع وفكر وفكره
2-رجل السيفتي الشاطر ديما بيلاقي حلول
مثلا (هنوقف الشغل الغلط عشان .... وهنعمل الصح ونكمل شغلنا )
3- خلي الناس ف الموقع تحبك من اول المساعد للمهندس بلسانك الطيب واسلوبك الجميل (استخدم ذكائك)
4- اصدقائك وفريق العمل بالنسبه لرجال السلامه اهم شئ حب اصدقائك واتعلموا من بعض
5-
6-ذاكر كويس واجتهد واتعلم وخلي صدرك رحب انك تتقبل النقد
7-اوعي تتغر ف نفسك وف خبرتك لان ديما ف احسن منك
8-حاول تتعلم طبيعه شغلك اللي واقف عليه عشان تعرف تحل المشاكل بعد كدا سواء (مدني، ميكانيكا، بترول، اي عفريت) هتفرق معاك
9-متبقاش عسكري امن ومتسمعش كلام اللي يقول السيفتي مباحث الموقع لان دا مصطلح غلط
10-انت بتقوم باهم انتاجيه ف الدنيا لان انتاجيتك هي الحفاظ ع الاشخاص و الممتلكات....الخ
11-اوعي تقبل ان حد يتعدي حدوده معاك (لو حصلت تبقي كارثه) خليك اسد ف مكانك
12-بلاش تفتي ف المعلومات خليك مع الاستاندر ديما
(اللي مع الاستاندر كسبان) بنتكلم ع الشغل لان اللي مع الله من الفائزين
13-حب لاخيك ما تحبه لنفسك وماتبخلش ع حد لو بمعلومه بس بلاش تفتي والنبي
اسف لو طولت واكيد انتوا عندكوا كمان اضافات ، لازم فعلا نغير ثقافه السيفتي اللي وصلت للناس غلط ونقضي علي ثقافه ان السيفتي المكروه ناجح (كلام متخلفين)
السيفتي ثقافه وفكر وابداع
