لماذا حدود الأمان لغاز الأكسجين داخل بيئة العمل تنحصر بين حوالي ١٩.٥ ٪و ٢٣ ٪؟
إجابة سؤال " لماذا حدود الأمان لغاز الأكسجين داخل بيئة العمل تنحصر بين حوالي ١٩.٥ ٪و ٢٣ ٪؟
*ف البداية غاز الأكسجين هو غاز ثنائي الذرة رمزه O2 و يتواجد بنسبة حوالي ٢٠.٩٪ من مكونات الهواء الجوي
بص دي 👁️👁️ بفعل الضغط الجوي اللي هو ١.٠٣ بار (١٤.٦ رطل /بوصة المربعة)
* يبقى معنى كده لو
* طب بنتعرض امتى لاختلاف نسب الأكسجين اولا عند العمل على أماكن مرتفعة جدا وبالتالي تقل نسبة الاكسجين
* و بنتعرض لزيادة نسبة الأكسجين اثناء استخدام انابيب التنفس ( الغوص - العلاج بالاكسجين - الفضاء) على سبيل المثال لا الحصر
* ايه الهري ده كله أنجز ياعم وجاوب 😠😠😠😴😴😴
حاضر هاجاوب😎😎😎
* نبدأ بزيادة نسبة الأوكسجين عن حوالي ٢٣٪ ده بيتسمي " بتسمم الاكسجين "
ليه بقى لان الجسم بيتعرض لحاجة اسمها فرط الاكسجة " زيادة نسبة الأكسجين ف خلايا الجسم وبالاخص في الحويصلات الهوائية و الرئة" والأمراض هي :
1/ تسمم الجهاز العصبي المركزي 2/ التسمم الرئوي
3/ التسمم العيني (قصر البصر - انفصال شبكية العين)
* ومن المعروف ان غاز الأكسجين لا يشتعل ولكنه يساعد على الاشتعال (فصل ٥/٤ مدرسة عبدالله النديم الابتدائية) طب لما نسبته تزيد يبقى هايساعد على الاشتعال بسرعة و الاشتعال السريع في علم الحرائق اسمه انفجار
* طب لو قل عن حوالي ١٩.٥٪ ده هايقلل نسبة الأكسجين اللي داخل جسمك الي هو اسمه طبياً نقص التأكسج وهي حالة مرضية تكون مصحوبة بضيق نفس، تسارع ضربات القلب، زرقة، صداع، غثيان وشعور بإرهاق وإعياء، ربما فقدان الوعي، الغيبوبة و ليلة كبيرة سعادتك أو حتى الموت في حالات نقص التأكسج الحاد
عارف ان معظمنا جاوب على السؤال صح و بشكر كل واحد تفاعل
الإجابة دي اجتهاد شخصي و على حد علمي المتواضع الذي يحتمل الصواب او الخطأ
واللي عنده إضافة او تصحيح او تعديل يقوله فالتعليقات والاجر والثواب عند ربنا
